Fyrsta helgin

Jæja við erum ekki ennþá komin með skattkort né kennitölu. Á föstudaginn vöknuðum við klukkan 08:00 og lögðum í leiðangur á skrifstofu komandi vinnustaðar okkar til þess að fá einhverskonar vinnusamning svo að við gætum nú sýnt skattinum og kommúninni að við værum ekki svindlarar sem ætlum að reyna vera hérna í mörg ár og þiggja frá þeim pening. Það var 45 mínútur í lest og þurftum svo að labba að skrifstofunni sem er á Gammel Køge Landsvej 11. Í grenjandi rigningu komumst við þangað, en nei nei þá var hurðin á húsinu læst, við stóðum þarna eins og ósjálfbjarga simpansar og biðum bara þangað til tvær konur sáu okkur og opnuðu og spurðu : Hej ,kan vi hjælpe dig med noget?

við : Ja, vi skal snakke med Heidi om vores arbejde.
konurnar : No No, no jobs here sorry. Og ætlaði konan bara að loka á okkur. Ekki leist okkur á það og breyttum við þá yfir í enskuna og ég tala eins og fædd og uppalin í Texas : We are here for the rengørningservice (þvílíkur USA hreimur, Bjarki gat varla haldið hlátrinum inni sér). Eftir þó nokkuð tal við þessar blessuðu konur sem sögðu að þetta væri ekki einu sinni rétt gata né að þetta hús væri númer 11 (þrátt fyrir að það hafi staðið á byggingunni) þá labbaði sómalísk stúlka inn sem fór með okkur á réttan stað og töluðum við þá við þessar indælu konur sem gerðu blað handa okkur að við værum með vinnu hjá þeim í minna en 3mánuði.
Þá byrjaði nú fjörið, þurftum að taka strætó að skattinum, Bjarki að fríka út af stressi með Krak(strætó- og lestakort af allri Köben) alla strætó ferðina var hann : OKei á hvaða götu erum við ???
ég nefndi hverja götu sem við keyrðum á og Bjarki fann þær aldrei og hélt að við værum svakalega villt. Ég var löngu búin að sjá hvar við ættum að stoppa þar sem það stendur inni í strætónum, en hann heyrði ekkert í mér útaf stressinu og ég leyfði honum bara að halda því áfram þangað til við komum að stoppistöðinni hjá skattinum.
Þegar þangað var komið töluðum við við einn leiðinlegan karl sem var ekkert að fatta það að við værum frá ÍSLANDI ekki Danmörku og þrátt fyrir að við sögðum í byrjun að við kynnum nú ekki mikla dönsku þá talaði hann bara og talaði og þegar við töluðum ensku þá bara hætti hann að tala og vildi alls ekkert segja á ensku. Samt vinnur hann í þeirri deild í skattinum sem sér um útlendinga. Það kom nú ekki mikið úr þessari ferð í skattinn nema það að við þurfum bara að bíða þangað til skottkortið verður til og sent til okkar með kennitölu.
Eftir þessa 4 tíma ferð fórum við með Tinnu í DanskeBank sem við vorum búin að hringja í og þau sögðu að það kostaði ekkert að stofna reikning og við þyrftum ekki að hafa kennitölu bara vegabréf, annað kom nú á daginn og kostaði það 300 DKK og við þurftum bara víst að hafa kennitölu = Fýluferð !
Kíktum í Lyngby center og á leiðinni heim prófuðum við pizza stað sem við smökkuðum ógeðslegasta kók alheims en ágætis pizzu, röltum svo bara heim í rólegheitunum og höfðum það huggulegt. Fórum út að skokka í rigningunni eftir matinn, það var ansi hressandi.


Hugrún ballerína



Á Laugardaginn vaknaði Bjarki eldsnemma og keyrði fjölskylduna á flugvöllinn. Við vöknuðum og röltum í Nettó þar sem við versluðum í matinn, frekar erfitt að labba með pokana þessar 20mínútur. Það er alveg svakalegt hvað allt sem er þekkt eins og t.d. Coca Cola, Kellog's, NAMMI og snakk er rosalega dýrt. Fórum svo niðrí bæ klukkan 4 þar sem allt var að loka kl. 4 eða 5, gleymdum alveg að það lokar allt svo snemma hér um helgar (reyndar bara alltaf). Við sem erum alltaf í Hagkaup og Nóatúni hvenær sem er dags erum alveg miður okkar hvað allt lokar snemma hér, maður þarf að plana allt fram í tímann, ekkert hægt að fara út í búð ef þú færð skyndilega löngun fyrir einhverjum mat.





Kíktum til Hrafnhildar, Bergþóru og Hönnu Siggu út á Amager í Dominos pizzu og skemmtilegheit. Gott kvöld þar sem var mikið hlegið :) Kíktum aðeins í bæinn með þeim og svo í lestina heim að lúlla.






Dagurinn í dag búin að vera algjör kósídagur með snakk, nammi og kók. Vöknuðum ekki fyrr en klukkan 1 og fengum okkur morgunmat, horfðum á sjónvarpið, spiluðum fótbolta, elduðum fajitas og sitjum nú að horfa á Þýskaland - Ástralía í HD. Loksins virðist veðrið vera að skána,en það er rosa huggulegt veður núna. Ætli við förum ekki bara út á pall með teppi.

Vonum svo bara að sólin fari að sýna sig :)