Hagl og þrumur

Seinustu dagar hafa verið frekar óþægilegir varðandi vinnuna, við vitum ekkert hvernig skattinum gengur að redda okkur skattkorti og kennitölu og í gær vissum við ekki einu sinni hvar við ættum að vinna. En þar sem Bente (yfirmaðurinn okkar) kom úr fríi í dag hringdum við í hana og fengum að vita að við myndum byrja að vinna í ráðhúsinu næsta mánudag. Við vorum mjög fegin að fá ráðhúsið en ekki einhversstaðar þar sem við myndum þurfa að vakna kl 4 og byrja að hjóla til að ná að mæta kl 6! Svo ansi mikill léttir þar á ferð.

Eftir að við hringdum í Bente löbbuðum við í Lyngby Center og fórum þar í bankann með vottorð um að við séum íslenskir ríkisborgarar því það er greinilega nauðsynlegt að hafa með ef maður er að stofna bankareikning og maður hefur ekki danska kennitölu. Einnig tókum við smá búðarrölt og keypti Helena sér buxur, naglalökk og sápur, og hafði ég einar nærbuxur úr krafsinu :)

Svo undanfarna daga höfum við notið þess að sofa örlítið lengur og þar sem veðrið hefur ekki leikið við okkur höfum við bara komið okkur vel fyrir í sófanum og horft á HM í háskerpu. Svo komumst við að því eftir mikla verðkannanir í hinum ýmsu búðum að Rema 1000 sem er hérna rétt hjá er bara miklu betri og í flestum tilvikum ódýrari en Nettó. Til dæmis er kjúklingurinn, 450 g, 4 DKK ódýrari í Rema en í Nettó, en hann selst hérna á 25 DKK sem er rúmur 500 ísl. Það er bara ágætur prís fyrir okkur fátæklingana og þurfum við að fara virkilega vel með peningana þar sem við fáum einungis fjórðung af fullum launum í júlí þar sem við byrjum þann 21.

Í Rema er einnig tilboð á ís, pakkinn (6 stk) á tíkall, skid og ingen ting og erum við nú þegar búin að kaupa 2 kassa, nýtist vel í hitanum.

Í gær keyptum við okkur hakk og gerðum pizzabollur. Kom mjög vel út og varð eftir afgangur sem við borðuðum í dag, enda er það á sparáætluninni að éta alla afganga :)

Svo þegar við vorum nýkomin heim í dag úr Lyngby Center kom haglél og þrumur, mjög skrítin veðursamsetning, þannig enn og aftur tókum við sængurnar fram og horfðum bara á HM á meðan veðrið var svona.

Svo 1 og hálfum tíma seinna var aftur komin bongóblíða og röltum við þá út í Rema og keyptum okkur pizzadeig og liggur hún núna í ofninum að bakast á meðan þetta er skrifað. Planið í kvöld er að horfa á Brasilíu - Kóreu og kannski taka smá skokk eða fara í fótbolta.

Svo að við kveðjum núna, endilega kommentið þið og verið með í þessu ævintýri okkar :)